விதிகெட்டான்

இவ் ஓட்டத்தில் சிக்கவே கூடாதென நினைக்கையில் 
நானும் ஓடப் போவதாக அறிவிப்பு
இல்லை என்று சொல்ல எத்தனித்தேன், 
அதற்கு முன்பே ஓட துவங்கியிருந்தேன்
பிடிக்கிறது, பிடிக்கவில்லை, பிடிக்கிறது
நிறுத்த சொல்லி அறிவிப்பு
மறுக்கிறேன்.
அதற்கு முன்பே நிறுத்தியிருந்தேன்.
மீண்டும் வேண்டா என நினைக்கையில், 
.
.
நானும் ஓடப் போவதாக ஆங்கொரு அறிவிப்பு !

இருத்தல்

என் நிமிடங்கள் போராட்டமானது
என் இருத்தலின் நீட்சி அதற்கு
பிடிப்பதில்லை - அது குரூரமானது
பிறழ்வுகளை நான் அறிவேன்
செத்தொழியென எக்காளிக்கும் அதை
மயிறளவிலும் நான் சட்டை செய்வதில்லை
சவால்களின் போதை அலாதியானது
அது இருத்தலை சாத்தியமாக்குகிறது..